Iran-in US-Taliban inremna ziah sawisel
Iran chuan kar liam taa US leh Afghanistan-a Taliban firfiak pawlten inremna an ziah chu sawiselin, Aghanistan hmalam awm dan tur chung changa thutlukna lo siam ve turin America chuan dikna a nei lo, a ti.
US leh Taliban-ten inremna an ziahah hian, thla 14 chhunga Afghanistan-a ram dang sipai awmte lakchhuahte a tel. Hei bakah hian Taliban chu Afghanistan sorkar nen inbe tura tih a ni bawk. Iran chuan Afghanistan-a ram dang sipai awmte chu dan kalha awm a ni tiin, hei hi tualchhung indona leh boruak ṭha lo a thlen chhan ber pakhat a ni, a ti. Afghanistan-a remna leh muanna a awm theihna tur chuan ramchhunga political group hrang hrang, Taliban-te pawh telin inbiakhona an neih a, an ṭhenawm ramte ngaihdante pawh an ngaihtuah tel vek a ngai a ni, a ti.