Baghdad-a US embassy bulah missile pahnih kap

Iraq khawpui Baghdad-a US embassy bul hnai chu mi tu tih hriat lohten missile pahnihin an kap.

Central Baghdad-a US embassy bula Green Zone huamchhung chu missile pahniha kah a ni a, he zone aṭang hian inralrinna (siren) a ri chhuak nghal bawk. He thil thlengah hian thi leh hliam an awm loh thu Iraqi Interior Ministry official-te chuan an tarlang. Missile hian sorkar building leh thil dang a tichhe nual bawk. Missile kahchhuah pakhat zawk hian US embassy a hnaih hle a ni.