Kum 2018 chhungin Afghanistan-ah civil mi thi an tam

United Nations chuan kum 2018-a US kaihhruaia Afghanistan sipaiten firfiakte laka beihpui thlak hna ngawrh zawka an kalpui vang leh firfiakten thihchilh bomb an tihpuah ngun avangin civil mi thi an tam hle tih a sawi. 

UN Assistance Mission in Afghanistan (UNAMA) in nimina report a tihchhuahah, kum 2018-a Afghanistan-a tualchhung indona thlengah khan civil mi 3,804 in nunna an chan tih a sawi a, an zingah hian naupang 927 an tel a ni. Civil mi thi hi a kum hmasa, kum 2017 aiin 11% zetin an tam a ni. 

Afghanistan-a UN official Tadamichi Yamamoto chuan civil mite thahna thleng ṭhin tihtawpna ṭha ber chu inbeih tihtawp a ni. Hei vang hian remna leh muanna a awm a pawimawh zia a hriat a, hemi atan hian kan theihna zawng zawng kan sen a ngai a ni, a ti. 

Report-ah hian civil mi 1,751 te thihnaah a mawhphurtu chu Taliban firfiak pawl an ni thu tarlan a ni.