Philippines-in Canada-ah Bawlhhlawh tam tak thawn let

Philippines President Rodrigo Duterte chuan bawlhhlawh tam tak Canada-ah an thawn let dawn tih a lo sawi tawh a, kar khat chuang zet Canada a vau hnuah nimin khan bawlhhlawh tam tham tak an thawn let ta tih a puang. 

Philippines hian heng bawlh­hlawhte hi kum 2014 khan Manila-ah thawn a ni tih sawiin, plastic recycling tih inbela thawn a ni tih an sawi. Canada pawhin bawlhhlawh thawn letna atana senso zawng zawng leh a tihralna turte chu an tum vek dawn tih an sawi a ni. 

Bawlhhlawh tam takte hi Manila hmar lama Subic Bay aṭangin an thawn let a ni. Canada parliamentary secretary, Sean Fraser chuan Canada aṭanga bawlhhlawh chhuakin ramdang a nghawng a nih chuan an pawmin an chingfel ngei dawn tih entirna a nih thu a sawi. Philipines tan pawh thil lak thutak tur tak a ni reng a nih thu a sawi bawk.