Iraq-a bomb puakah mi 4 an thi, midang 20 an hliam

Iraq khaw hmar lama awm Kirkuk-ah Ningani khan bomb vawi ruk a puak a, mi pali an thi a, midang 20 velin hliam an tuar bawk tih Iraq police-te chuan an sawi.

Joint Operations Command office-in thuchhuah an siamah Iraq ram khawpui Baghdad aṭanga hmar lam km 250 vela hlaa awm Kirkuk khuaa bomb puaka thiah hian police pawh an tel tih an tarlang a, kawngpui dang nghalin an chhuizui nghal tih an tarlang bawk.

Kirkuk-ah hian kum khat dawn chu buaina a chhuak tawh a, sorkar leh Kurdistan-a semi-autonomous region-a chengte inkarah ram inchuhna a awm a ni. Eng pawl mahin mawh an phurh thu la sawi lo mah se henglai vela pawikhawihna thleng ṭhin hi chu Islamic State (IS) firfiak pawlte tih a ni tlangpui ṭhin tih tarlan a ni.