UN chief special representative atan Najat Maalla M'jid-i ruat

United Nations Secretary - General Antonio Guterres chuan Ningani khan naupang laka tharum thawhna dona kawnga a special representative atan Morocco mi Najat Maalla M'jid-i chu a ruat.

Najat Maalla M'jid-i hi assistant secretary-general level-ah ruat a ni tih tarlan a ni a, Portugal mi Marta Santos Pais a thlak dawn a ni. UN chief office-in thuchhuah an siamah UN secretary general hi Marta Santos Pais lakah hian a lawm hle a, naupang laka tharum thawhna dona kawnga a special representative hmasa ber hnathawh danah chuan a lungawi hle tih an tarlang.

M'jid-i hi paediatrics-ah medical doctor a ni a, kum 30 chhung vel chu hmeichhe dikna chanvo humhimna lamah a lo thawk tawh a ni. Casablanca-a Hay Hassani Mother-Child hospital-a Paediatric Department hotu lu ber a ni ṭhin a, 2008-2014 chhung khan naupang laka mipat hmeichhiatna lam kawnga hleihlenna dona kawngah UN Special Rapporteur a ni.