Enthlatua puh Pakistan general-in thiam loh chang

Pakistan military court chuan an sipai general chu en thlatua puh a nihnaah thiam loh a chantir a, dam chhung tang turin a hrem. 

General mai ni lo hian brigadier leh civil officer pakhat pawh enthlatua puhnaah hian thiam loh chantir an ni a, thi tura an chungthu rel a ni. Mahse heng mi pa­thumte hi an hming an tarlang duh lo thung. 

Pakistan army chief General Qamar Javed Bajwa pawhin heng mi pathum hnena hremna an pek hi a pawmpui nia tarlan a ni bawk. Pakistan sipaite chuan eng thilah nge enthlatua puh an nih pawh an tarlang lo a ni.

Hetihlai hian BBC chuan dam chhung tang tura hrem hi Lieutenant Gene­ral Javed Iqbal (retired) a nih thu leh briga­dier thi tura hrem hi Briga­dier Raja Rizwan (retired) a ni tih an tarlang thung. Mi tam ber chuan heng mite hian CIA hnenah information an pe a nih an ring.