SKorea leh US defence chief-te'n inbiakna an nei

South Korea leh United States defence chief-te chuan Thawhṭanni khan Korean Peninsula chungchangah SKorea khawpui Seoul-ah inbiakna an nei tih, South Korea defense ministry-te chuan an sawi.

South Korean Defense Minister Jeong Kyeong-doo leh acting U.S. Secretary of Defense Patrick Shanahan-te chuan inbiakna hi neiin, Korean Peninsula-a venhimna kalpui dan leh nuclear ralthuam tihbo chungchangte an sawi a, remna leh muanna a awm theihna turte pawh an sawi dun a ni.

Jeong leh Shanahan-te hian inrawn hona leh thawhdunna ṭha zawk, kawng hrang hranga neih an remti a, North Korea nuclear leh missile activity inhrilhte pawh an remti bawk. Defence chief pahnihte hian tunhnaia NKorea-in short-range missile an tlangzarh chu an la thutak hle tih an sawi bawk a ni. Pentagon chief hian Pathianni khan SKorea hi a thleng a, ni hnih a cham dawn a ni.