Sudan buaina : Security force-te leh nawrh huaihawtte inkarah buaina a chhuak
Sudan-a Khartoum-a army headquarters kawta hun rei tak nawrh huaihawtte leh security force-te inkarah buaina a chhuak a, silai hmehpuah a ni.
Nawrh huaihawtte chuan security force-te hian tihluihnain nawrh huaihawtte hi hnawhdarh an tum tih an sawi a, nawrh huaihawtte hian tyre-te halin, security force-te'n indaidanna an siamte pawh an hal chhe bawk. Kumin April thlaa President Omar al-Bashir paihthlak a nih hnu khan Sudan hi Transitional Military Council (TMC) thuneihna hnuaiah a awm zui a, nawrh huaihawtte hian civil sorkar din leh an phut a ni.
Silai puakah hian mi panga tal an thih rin a ni a, mi eng emaw zatin hliam an tuar bawk. Army Hqrs kawtah hian April 6 aṭang khan nawrh hi huaihawt a ni a, thla hmasa khan TMC lam hian civil sorkar dinna tur chuan kum thum tal hun an mamawh dawn thu an sawi thung.
Sudan buainaa thil thlen dan hrang hrang
A hun Thil thleng
December 19, 2018 Fuel leh eitur man a san avangin duh lohna lan tir a ni.
December 20, 2018 Sudan ram khawpui Khartoum-ah nawrh huaihawt a ni a, sorkar dona thu hrang hrang an auchhuahpui.
February 22, 2019 President Omar al-Bashir-a'n state of emergency a puang a, sorkar a ṭhiat.
February 24, 2019 Duh lohna lantir chhunzawm zel a ni a, security force-te'n silai an hmetpuak.
April 6, 2019 Khartoum-a military headquarters kawtah nawrh huaihawta sit-in protest neih ṭan a ni a, Bashir-a ban hma chuan kalsawn lo turin thu an tiam.
April 11, 2019 Army general-in Bashir paihthlak a nih thu a puang a, mahse civil sorkar din phutin nawrh an la chhunzawm tho a ni.
April 17, 2019 Bashir-a Khartoum jail-ah tantir a ni.
April 20, 2019 Sipai lam aiawh leh civil mite aiawhin inbiakna an ṭan.
May 13, 2019 Military headquarter kawtah inkahna a thleng a, mi paruk an thi.
May 14, 2019 Sipaite leh civil miten inremna siamin, kum thum chhung sorkar inthlakna hun siam an remti.
May 16, 2019 Sipaiten kawng danna ṭhenkhat laksawn an phut avangin inbiakna neih leh tur an tihkhawtlai.
June 3, 2019 Security force-te silai hmehpuahah mi eng emaw zat an thi