Myanmar : Nawrh huaihawtte tan mobile clinic siam

Myanmar sipaite chet dan duh lohna lantira nawrh huaihawt zinga hliam tuar leh damlote enkawlna turin healthcare worker-te chuan mobile clinic an siam.

Assistance Association of Political Prisoners (AAPP) chuan police-ten nawrh huaihawta pungkhawmte hnawhdarhna atana rubber bullet, water cannon, tear gas, stun grenade leh silai takte an hman avangin mi 30 velin nunna an chan tawh a,  mi 200 chuang an hliam tawh bawk niin a tarlang. 

Civil Disobedience Movement hminga hun rei tak nawrh huaihawt a nih tawh avangin ram pumah health system kalpui a bahlah phah hle nia sawi a ni. Hei vang hian mipuiten damdawi lama enkawlna an mamawh angte an hmuh theihna turin, healthcare worker-te chuan sorkar facility pawn lamah mobile clinic-te an siam a ni. 

Hemi rual hian healtcare worker-te chuan mobile clinic-ah nawrh huaihawtnaa hliam tuarte an enkawl bawk avangin an dinhmun pawh a him lo hle niin an sawi. Healthcare team in volunteer-te hi nawrh huaihawta pungkhawmte karah hliam tuarte enkawlna tur damdawi leh mamawh dangte kengin an kalkual bawk a ni. Hei bakah hian hliam tuar na zualte clinic panpuina turin ambulance service-te an siam bawk.