US-in Russia official-te hrek

US chuan Russia eptu hruaitu, Alexei Navalny tura hrai a nih kaihhnawihah, Russia sorkara official leh pawl ṭhenkhatte hrekna Thawhlehni khan a siam. 

Navalny hi nikum August thla khan tura hrai nia sawi a ni a, Germany-ah hun rei tak enkawl a nih hnuin January thla khan Russia-ah hian a kir a, mahse an ram a thlen veleh man nghal a ni a, kum hnih leh a chanve tang turin hrem zui a ni bawk. Hetih lai hian Russia sorkar chuan Navalny dam lohna chungchangah inhnamhnawihna a nei lo a, tura hrai a ni tih finfiahna pawh a awm lo niin a sawi thung. 

US official chuan Russia sorkar official pasarih leh, biological and chemical production nena inzawmna nei pawl 14-te hrek an nih thu a sawi a, US-a an thil neihte khawih chet theih lohin dahsak nghal an ni, a ti.