Indonesia khawpuiah tui a lian

Indonesia khawpui, Jakarta-ah chu kumin chhunga a ṭum hnihna atan ruahsur nasa avangin tui a lian leh a, tuilian tuarte hi lawng hmangin hmun him lamah hruai chhuah an ni. 

Jakarta governor Anies Baswedan chuan khawpui chhung hmun 200 chuang chu tuilian hian a tibuai tih a sawi a, harsatna tawkte ṭanpui tura hma an lak mek thu a sawi. Tuilenna hmun hi Jakarta khawpui chuan hnuai lam niin, mi maktaduai 30 chuang zet an khawsa a ni.

Kumin kumtir khan ruahsur nasa vangin Jakarta hian tuilian hi a lo tuar tawh a, mi 60 chuangin an thih phah bakah mi  175,000 vel chu hmun him lamah sawn chhuah an ni bawk.