Egypt-ah LAS-EU summit hmang

League of Arab States (LAS)-European Union (EU) summit hmasa  ber chu Pathianni khan Egypt-a Red Sea resort city, Sharm el-Sheikh-ah neih ṭan a ni a, he summit-ah hian Europe leh Arab ram 50 chuang an tel. 

Ni hnih awh summit hi Egypt President Abdel Fattah al-Sisi-an a hawng a, European Council President Donald Tusk nen meeting hi an kaihruai nghal a ni. 

Arab leh Europe ram hruaitute chuan thawhhona nghet leh ṭha zawk siam dan turte an sawiho a, hei bakah hian Middle East-a muanna a awm theihna tura hmalak na te, Yemen, Libya leh Syria tualchhung dinhmunte an sawiho bawk.