US-in China tariff tihpun a tumna tikhawtlai

US chuan China aṭanga bungrua an lakluh, US dollar tluklehdingawn 200 chuanga chhiah lak a tihpun tumna chu a tikhawtlai leh rih dawn. 

US leh China hian insumdawn tawnnaa inremna siam tumin inbiakna an nei mek a, trade talk an neih mekah hian hmasawnna hmuh tur a awm zel tih sawiin hei vang hian chhiah lak tihsan tumna pawh hman a ni dawn rih lo tih President Donald Trump chuan a sawi. A tira ruahmanna an lo siam tawhah chuan China bungrua-a chhiah a lak hi March 1 aṭangin tihsan a tum a ni. 

Trump chuan ram pahnih aiawhten trade talk an neih mek chhunzawmna tur hian China President Xi Jinping chu Florida estate Mar-a-Lago-ah meeting neihpuiin, inremna pawh an ziak fel dawn niin a sawi a ni.