Chile-ah ram hectare 8,350-a zau a kang

Chile ram laili lai, Maule region-a Agua Fria-ah ram hectare 8,350 a zau a kang tih National Forest Corporation (CONAF)-te chuan an sawi.

February 9 aṭang khan ram hi a kang ṭan nia hriat a ni. Maule bial huamchhunga awm Radal Siete Tazas National Park hnai aṭangin kangmei hi rawn inṭan nia sawi a ni bawk. Chile-ah hian an nipui hun hi December aṭang khan a inṭan ve chiah a, hei vang hian ram kang hi duh anga thunun hleih thei a ni lo.

Kang ṭhelh tur hian fire brigade team 14-te tirh luh an ni a, thlawhtheihna pahnih, helicopter paruk, cistern truck leh a ṭul anga bungraw hnawk tifaitu tur JCB-te pawh tirh luh an ni bawk. Kang ṭhelh tute bakah, mi tlawmngai pawl inpe ten Chile ram kang ṭhelh hna hi ngawrh takin an thawk mek a ni. 

Chile chhimchhak lama awm, Biobio leh Los Rios khuaa ram hectare 25 leh 173-te pawh a kang tih CONAF chuan a tarlang bawk. Ram kang chungchangah hian Agriculture minister Antonio Walker chuan, "Nipui lai a lo ni bawk nen, khaw kengin min nang china, kan duh angin ram kang hi kan ṭhelh mit zung zung thei lo a ni." a ti.