Kim leh Trump-ten Vietnam an thleng

North Korea ram hotu Kim Jong-un leh US President Donald Trump-te chuan summit nei turin Vietnam an thleng ta. 

Kim hian Vietnam hi rel-in a pan a, ni hnih leh a chanve kawng lakah thangin, km 4,000 zet thui a kal hnuah Thawhlehni khan Vietnam-a Dong Dang station a thleng a ni. US President Donald Trump chuan thlawhtheihnain Vietnam hi a pan ve thung a, Thawhlehni zan khan a thleng Dong Dang station aṭangin Kim hian Vietnam khawpui, Hanoi chu car-in a pan a, a inkar kawng km. 170-a thui chu midang hman theih lohin khar a ni. Trump chuan Air Force One in Vietnam hi a pan ve thung a, Thawhlehni zan khan a thleng a ni. Vietnam a pan dawn hian Kim nena meeting an neih tur chu a nghahhlelh thu leh, meeting hlawhtling tak an neih ngei a rin thu a sawi. 

Trump-Summit hi vawiin leh naktuk hian neih a ni dawn a, summit an neih dan tur chungchang kimchang hi puanzar a ni lo. Kim hian official pahnih a hruai tel dawn nia sawi a ni, hei bakah hian nizan khan hruaitu pahnihte hian an advisor-te hruaiin zanriah an kildun nia sawi a ni bawk.