Pakistan-in Afghan refugee-te bank account hawn phalsak

Pakistan Prime Minister Imran Khan chuan an rama Afghan refugee, in register-te chu bank account an hawn a phalsak. 

Pakistan-ah hian Afghan refugee register hi mi maktaduai 1.4 vel awmin, heng mite hian Proof of Registration (PoR) card an nei a, dan ang takin Pakistan-ah hian awm phalsak an ni tih UN refugee agency chuan a tarlang. Heng bakah bakah PoR la nei lo refugee hi maktaduai khat vel an la awm bawk. 

Nikum khan sorkar chuan registered refugee awm theih hun hi kumin June thleng atan a lo pawhsei sak tawh a ni. 

PM Imran Khan chuan Afghan refugee register-te tan bank account hawn phalsak a nih thu hi a twitter-ah tarlangin, hei hi tunhma aṭanga lo phalsak tawh tur a nih thu a sawi. 

Afghan refugee council chuan PM thutlukna siam chu lawmawm an tih thu sawiin, hei hian Afghan mite sumdawnna kawngah pawh nasa takin a pui dawn tih an sawi.