ST list-ah Meitei telh an ni tur a ni: DESAM

Democratic Students’ Alliance of Manipur (DESAM) chuan Meitei/ Meetei-te chu schedule tribe list-a telh ngiatin, political party-te chu hemi chungchanga dinna nghet tak nei turin an ti.

DESAM vice president N. Edison Meitei chuan Pathianni liamtaa press conference an neihnaah thu sawiin, Scheduled Tribe Demand Committee (STDCM) kaihhruai pawl hrang hrangte chuan Meitei/ Meetei community-te ST list-a telh an ngiat tih sawiin, hei hi an hnam humhimna tura tih an nih thu a sawi. Meitei-te chu ST-list-ah telh ngei tur an nih thu sawiin political party-te pawhin an thil phut chu an tihhlawhtlinsak tur a ni, a ti bawk.