Indonesia-a rangkachak khur chimin mi 60 chhilh

Indonesia-a North Sulawesi province-a Bolaang Mongondow area-ah dan kalha siam, rangkachak khur a chim. Khur chim hian mi 60 chuang a chhilh a, mi pathum an thi. 

Khur chimin a chhilhte zinga mi pathum ruang hi nimin zing dar 8 vel khan hmuh an ni a, khur chhung la tang dangte chhanchhuah tumin hna thawk mek a ni. Indonesia disaster agency hotu Abdul Muin Paputungan chuan  khur chhung tangte aw ri te hi an hre thei tih sawiin, nungdama chhanchhuah ngei an tum tih a sawi. 

Indonesia sorkar chuan small-scale gold mining siam hi a khap a, mahse siam lui an awm reng tho a, heng mite hi regional thuneitute chuan an khap lo a ni. Khur himna tura inkaihhruaina dante zawm mumal loa siam an nih ṭhin avangin vanduaina pawh a thleng fo a ni.