Sri Lanka Muslim minister-te an bâng

Sri Lanka-a Muslim minister zawng zawngte leh an deputy-te chuan sorkar chu an rama Muslim mite venhimna kawnga hlawhchhamah puhin, an bang.

Buddhist puithiam sawi hlawh tak Galagoda Aththe Gnanasara Thero leh puithiam ṭhenkhatte chuan sorkar chu Muslim provincial governor-te leh minister-te ban tura ni a tuk sak duh lohin Muslim minister-te hi an bang a ni.

Gnanasara hi Muslim-te haw em emtu nia sawi a ni a, thla hmasa lawk khan jail aṭanga chhuah a ni chauh a ni.

Thawh­ṭanni zingah khan Buddhist puithiamte kaihhruaina hnuaiah hian mi sang chuangin Kandy khawpuiah kawng an zawh a, hemi hnu hian Muslim minister pakuate leh provincial governor pahnihte chu an bang zui a ni.

Easter sunday-a Kris­tian biak-in pathum leh luxury hotel-te beih a nih hnu khan Sri Lanka-ah hian Muslim-te'n dodalna an tawk nasa hle a, hmun ṭhenkhatah phei chuan kut an tuar tih tarlan a ni.