Camp aṭanga damchhuak a thi ve leh

Hitler-a hunlaia Nazi-te'n Juda mite gas-a an ur hlumna ṭhin, Sibor-a Nazi extermination camp aṭanga damchhuak zinga la dam awmchhun, Semion Rosenfeld-a chu nimin khan a thi.

Kum 96 mi Semion Rosenfeld hi Ukraine-a piang a ni a, nimin khan Israel-a Tel Aviv bula a chenna inah a thi a ni.Rosenfeld hi Nazi ho khan 1941 khan Soviet Army-a a ṭan laiin an man a, Jewish a nih avangin camp-ah hian thawn a ni. Mahse kum 1943 khan tang dang 300-te nen tlanchhuakin, mi 100 vel chu Nazi-te hian an man leh a ni. Midang 200 zingah pawh hian mi 47 chauh chu Indopui II-na a zawh meuh kha chuan an dam tawh a ni.

Israel Prime Minister Benjamin Netanyahu chuan a Facebook-ah, Rosenfield hian Red Army zawmin, Nazi ten man mah se a tlanchhuak a, thihna pumpelhin Nazi ho a beih chhunzawm a ni, tiin a ziak. Amah hriatrengna chu malsawnaah chang rawh se, tiin a thlah zui bawk a ni.