Czech Republic-ah PM duh lohna lantir

Czech Republic ram khawpui Prague-ah nimin khan an ram Prime Minister Andrej Babis duh lohna leh bang tur nawrna huaihawt a ni.

Andrej Babis duh lohna lantirnaah hian mipui an pungkhawm hnem hle a, Czech Republic-a communist rorelna a tawp hnua duh lohna lantir nasat ber ṭum a ni tih media-te chuan an tarlang nasa hle.

PM Babis duh loh­na lantirnaah hian mi 1,20,000 vel zetin kawng an zawh a, 1989-a co­mmu­nist rorelna tawp dawna Velvet Revolution hnua nawrh huaihawtna pui ber a la ni. 

Andrej Babis hi Czech Republic-a mi hausa ber dawttu leh communist hlui a ni a, 2017 aṭang khan Prime Minister din­hmun hi a luah a ni. 

EU subsidy pawisa khawih chingpenah puh a ni a, mahse heihi amah chuan a pha nasa hle. Hetihlai hian Zirtawpni liam taah khan European Commission draft report a putru a, hetah hian Babis-a hi euro maktaduai chuang subsidy-a pekir tura hriattirna a awm a ni.