Sudan buainaah mi 60 thi tawh tih eptuten an sawi

Sudan a eptu pawlte chuan Thawhṭanni-a nawrh huaihawtte leh secu­rity force-te inkara buai­na chhuaka thi zat chu 60 an tling tih an sawi.

Thawhṭanni khan Sudan khawpui Khar­toum-ah nawrh huaihawt­te leh security force-te inkarah buaina a chhuak a, security force-te hian silai an hmetpuak a ni. UN Security Council chuan Sudan-a inbeihna thleng demna thuchhuah siam a tum chu Thawhlehni khan China leh Russia-te'n an dang thung.

Sudan-ah hian April 11-ah khan President Omar al-Bashir chu sipai-te'n an paihthla a, hemi hnu hian mipuite chuan civil sorkar siam tura nawrin nawrh an huaihawt chhunzawm a, buaina nasa tak a chhuah phah fo a ni.