Russia telecom firm leh Huawei-te'n iremna ziak
Russian telecom firm Mobile TeleSystems (MTS) leh Huawei chuan 5G technology hmasawnna turin inremna an ziak.
Heng company lian pahnih thawkdunte hian nakkum lamah chuan Russia-ah 5G network thar siamchhuah an tum a ni. US kaihhruai khawthlang ram ṭhenkhat ten Huawei chu national security atana hlauhawm a ni thei nia an ngaih avanga an block hnuah, Russia company hian inremna an siampui thung.
MTS-in inremna an siampuina hi Huawei tan chuan thil lawmawm tak a nih rin a ni bawk. Huawei hi khawvela smartphone hralh tam ber dawttu an ni a, US-in a blacklist avang hian harsatna an tawk nasa hle tura ngaih a ni. An chipset zawng zawng zahve deuh thaw chu US supplier-te hnen aṭanga dawng an ni a, mahse US sorkar thuneitute chuan Huawei nena insumdawn tawnna kalpui hi an khap tak avangin buaina nasa tak an hmachhawn ngei tura rin a ni.