Italy PM-in Vietnam a tlawh thawhdunna tihchangtlun remti
Vietnam tlawha zin Italy Prime Minister Giuseppe Conte leh Vietnam Prime Minister Nguyen Xuan Phuc-te chuan Nilaini khan meeting an nei a, kawng hrang hranga an thawhdunna tihchangtlun an remti.
Ram pahnih hruaitu lute hian politics, economy, culture, zirna, training, science, technology, security, defence, sustainable development, climate change leh inkalpawhna chungchangah chang-tlung zawka thawhdun an remti a ni.
Nakkum 2020-ah chuan an insumdawn tawnna chu US dollar tluklehdingawm ruk-a tihpun an remti a, a kum lehah phei chuan tluklehdingawn 10-ah tihpun an remti bawk.
Italy firm-te'n Vietnam-a sumdawnna tam zawka kalpui an remti bawk a ni. Nimina neih ASEAN-Italia Business Forum-ah khan Giuseppe Conte hi a tel ve nghal bawk a, nimin vek khan Vietnam hi a chhuahsan a ni.