Denmark inthlanah Social Democrats an chak

Social Democrats chuan Denmark inthlanah hnehna an chang a, Mette Frederiksen chu Denmark Prime Minister naupang ber a ni dawn ta.

Kum 41 mi Frederik­sen kaihhruai Social Democrats hian Denmark parliament seat 179 awm­ah seat 91 an la a ni. Inthlannah hian climate change, welfare cut leh dan loa ramchhunga lut chungchangte chu agenda lian an ni a, Prime Minister nilai Lars Lokke Rasmussen kaihhruai ṭangrual sorkar - Venstre, Liberal Alliance, Conser­vative People's Party leh Danish People's Party-te chuan hnehna an chang zo lo a ni. 

Lars Lokke Rasmu­ssen chuan an chak lohna chu a pawm thu a sawi tawh bawk a, tunah chuan Louis Pio-a'n 1871-a a din, Centre-left party Social Democrats chuan  Denmark-ah hian ro an rel ve tawh dawn thung a ni.