Hong Kong-ah bill thar duh lohna lantir

Thil tisual nia rinhlelhte, mainland China-a an thubuai ngaihtuah tura thawn theihna tur bill duh lohna chu Hong Kong khawpuiah lantir a ni a, tel an ṭhahnem hle.

Nimina nawrh huaihawt hi 2014-a Umbrella Movement kalpui a nih hnua nawrh huaihawtnaa tel an tam ber ṭum a ni. Hong Kong mipuite chuan he bill hmang hian an ram chin politics-a China a inrawlh nasat lutuk an hlau a ni.

Hetihlai hian Hong Kong hruaitu Carrie Lam chuan bill hi July-a pawm a nih ngei theihna turin a nawr ve thung. Sorkar chuan bill hian built-in protection a nei a, inenhranna a veng dawn tih a sawi bawk. 

Mahse bill duh lotute hian British colony ṭhin chu China justice system-ah thailan a ni ang a, chu chuan anmahnia rorelna an neih chu a bo tial tial dawn tih an ṭanchhan ve thung. Hong Kong hi China ram chhunga awm ni mah se mahnia ro inrel hrang a ni a, dan hrang bik an nei a, khawpuia chengte chuan ramchhung hmun dangin an neih ve loh zalenna an nei bik a ni.