Israel-in West Bank ram nei turin dikna a nei: US official

Israel-a US ambassador David Friedman chuan Israel chuan Palestine ram a luah, West Bank-a hmun ṭhen­khat chu nei zui turin dikna chanvo an nei tih a sawi.

David Friedman thusawi hi Palestinian-te chuan an duh lo hle a, US chu ṭan zawk neiah an puh ve nghal bawk. Palestine Liberation Organization (PLO) exe­cutive member Hanan Ashrawi chuan an ram ruk tumna chu an nemnghet tih a sawi bawk a ni.

Kum 1967-a Six-Day War a chhuah khan Israel hian West Bank ram hi Palestinian lak aṭangin a chhuhsak a, vawiin thlengin a la luah zui a ni.