Iraq leh Iran-in security tihchangtlun tum

Iraq prime minister Mustafa al-Kadhimi leh Iran president Hassan Rouhani chuan kar liam ta Inrinni-a an inkawmnaah an ram pahnih security tihchangtlun a nih theih nan hma lak an tiam.

Ram pahnih hruaitute hi phone hmanga inbiain,  security chungchang bakah kawng hrang hranga ram pahnihte thawhdunna tur chu an sawi dun a, heng bakah hian an bial chhunga buaina leh harsatna an tawh ṭhinte chu an sawi dun bawk.

An inbiaknaah hian mumal taka ram pahnihten inbiakna an neih loh chuan buaina leh harsatna an tawhte chu a ziaawm thei dawn lo tih ram hruaitu pahnihte hian  an pawm ve ve thu al-Kadhimi media chuan a tarlang.