Paraguay President-in minister pathum thlak

Paraguay mipuiten an rama Covid-19 hripui leng dona kawng sorkar hmalak dan sawisel a, nawrh an huaihawt hnuah president Mario Abdo Benítez chuan minister pathum a thlak. 

Kar liam ta Zirtawpni khan mipuite chuan sorkar hmalak danah lungawi loin nawrh an huaihawt a, mipuite nawrh an huaihawt tuk, Inrinni khan President chuan  minister pathum an nih thu hi a sawi a ni. Minister thlakte hi education, women's affairs leh civil affairs minister-te an ni.

Paraguay-ah hian Covid-19 hri kai an pung chho leh ṭan a, health worker-te chuan hri kaite enkawlna damdawi an indaih khawp loh thu an tarlang. Vaccine pawh pek chhuah ṭan ni tawh mah se an la pe chak lo hle a, an ram mipuite 0.1% val chauh vaccine hi pek an la ni. 

Mipuite chuan health emergency atana sum tam tham tak awm chu sorkar chuan hmang loin a ruksak niin an puh a, sawiselna nasa tak avangin health minister Julio Mazzoleni chu a lo bang tawh bawk.