Sudan: Civil disobedience titawp, inbe chhunzawm dawn

Sudan-a civil sorkar siam ngiata nasa taka nawrh huaihawt mekte chuan Thawhlehni khan 'Civil dis­obedience' an kalpui chu an titawp a, sipai sorkarna siam mek Transitional Mili­tary Council (TMC) te nen pawh inbiakna an neih chhun­zawm leh dawn a ni.

Sudan-a nawrh huai­hawtna hi Sudanese Pro­fessionals Association (SPA) kaihhruaina hnuaia neih a ni a, nikum December thla aṭanga khan nawrh hi an huaihawt ṭan tawh. Sudan-ah hian April thlaa President Omar al-Bashir paihthlak a nih hnu khan sipai sorkar siam zui a ni a, SPA-te hian civil sorkar siam ngiat­in nawrh an huaihawt chhun­zawm reng a, inbiakna pawh TMC nen hian an nei fo tawh bawk.

Mahse kar liam ta Thawhṭannia nawrh huiahawtte leh sipaite inkara buaina nasa tak a chhuah avanga mi 100 chuang laiin nunna an chan hnu khan inbiakna an neih hi an titawp a, tunah erawh inbiakna hi an kapui chhunzawm leh dawn ta a ni.

SPA hian 'Civil disobe­dience' an kalpui chu titawp mah se nimin thleng kha chuan dawr tam tak khar a la ni a, sipaite pawhin patrol an la nei reng a ni. SPA leh pawl dang dangte pawhin mipuite chu an hna chhunzawm leh turin an ngen bawk.