Theresa May thlaktu tur thlang

British Prime Minister leh Con­servative Party leader ni bawk Theresa May chuan a ban tur thu a tihchian hnuah, Conservative party MP-te chuan nimin khan an ram huna chawhnu dar 1:00 khan party hruaitu thlanna an nei.

Theresa May thlaktu tur thlanna hi House of Commons-ah neih a ni a, secret ballot hmangin MP-te hian vote an thlak a ni. Candidate hi 10 an awm a, vote 17 hmu tling lote chu an tla nghal dawn a ni.

Vote tla aṭanga vote hmu ṭha zual pahnihte hian karleh­ah inthlanna an hmachhawn leh dawn a, July 22-ah hi chuan Theresa May thlaktu tur hriat hman tawh beisei a ni. British foreign secretary hlu Boris Johnson chu Theresa May thlaktu tura rinkai ber zinga mi a ni a, thlan tlin a nih chuan October thlaah chuan Britain chu European Union aṭanga hruaichhuah hman a tiam a ni.