US-in Poland-ah sipai 1,000 tir dawn

US President Donald Trump chuan Polish President Andrzej Duda nena press conference an neihnaah, US-in Poland-ah sipai 1,000 an dah lut dawn tih a sawi.

President Trump chuan Germany-a an sipai dah 52,000 aṭangin Poland-ah hian sipai 1,000 dahluh an ni dawn tih a sawi a, drone leh sipai  hmanraw ṭhenkhat pawh an dahlut tel dawn tih a sawi bawk.

US hian Poland-ah hian sipai hmun nghet an dah dawn nia sawi a ni bawk a, Warsaw chuan hemi atan hian US hnenah dollar tluklehdingawn 2 a pe dawn tih a sawi hnuah; US hian sipai hmun nghet dah hi an tum ta nia sawi a ni. Mahse sipai camp an buatsaih tur hi a nghet a nih dawn leh dawn loh Trump chuan a sawi lo thung. 

President Andrzej Duda chuan US sipai camp tur hi Fort Trump tih a ni dawn tih a sawi ve bawk. Poland president hian Nilani khan White House a tlawh a, Donald Trump hi inbiakna a neihpui a ni. Hemi hnua press conference an neihah, an thutlukna siamte hi ram pahnih hruaitute hian an sawichhuak a ni.