Gulf of Oman-ah tanker a puak

Gulf of Oman-ah nimin khan tanker pahnih a puak a, mahse US Navy-te chuan heng tanker puak pahnih aṭang hian harsatna an tawk tih call an dawng hman a; tanker-a chuangte hi an chhanchhuak hman a ni. 

Media-te chuan tanker puak hi - Front Altair leh Kokuka Courageous-te a nih thu an tarlang nghal a, Reuter pawhin tanker-a chuangte hi chhanchhuah hman vek an nih thu an sawi ve bawk.

Thla hmasa khan United Arab Emirates tanker pali chuan beih an lo tawk tawh bawk a, UAE chuan eng ram emawin an bei tih sawiin, an puh ram erawh an tarlang lo thung. Hemi ṭum hian US chuan Iran chu inrawlhah a puh thung a, mahse Iran chuan a pha a ni.

Nimina tanker pahnih puah chhan hi tarlan a la ni lo.