Eiruknaa inhnamhnawihah Sudan president hlui Omar al-Bashir puh

Sudan president, April thlaa sipai chakna hmanga paihthlak tak, Omar al-Bashir chu eiruknaa inhnamhnawihah puh a ni a, dik lo taka a thil tih avanga hausaah puh a nih piah lamah emergency puanna thupek peah puh a ni tel bawk.

Nikum December thla aṭang khan Omar al-Bashir duh lohna hi an ram chhung hmun hrang hrangh lantir ṭan a ni a, fuel leh eitur man a san avangin nasa taka bang tura nawr a ni a, kumin April thla khan sipai chakna hmangin Transitional Military Council chuan an paihthla a, Khartoum jail-ah an tantir zui a ni. 

Mahse nawrh huaihawttu Sudan Professionals Associaltion (SPA) te chuan nawrh an la chhunzawm zel tho a, civil sorkar siam turin TMC chu an nawr a ni. Kar hmasa Thawhṭanni khan nawrh an huaihawtnaah hian buaina nasa tak a chhuah avangin inbiakna kal mek pawh tihtawp lailawk a ni. SPA hian Pathianni aṭang khan Civil Disobedience an kalpui zui bawk a, mahse hei hi tihtawp leh tawh a ni a, TMC nena inbiakana hi an kalpui chhunzawm leh tawh bawk.