US workshop buatsaihah Palestine tel dawn lo

Palestinian President Mahmoud Abbas chuan US sponsor-a Bahrain khawpui, Manama a economic work­shop  neih turah Palestine a tel dawn lo tih a sawi. He work­shop hi June 25-a neih tur a ni. 

Ramallah-a Fatah Youth Movement hruaitute nena meeting an neihnaah, Abbas chuan US-in Middle East-a inremna kawng zawnga  ruahmanna a siam, Deal of the Century tiha sawi ṭhin chu an pawm lo tih a sawi. 

Abbas-a chuan, "Jerusa­lem leh Palestine hi zawrh lai an ni lo," tia sawiin, Pales­ti­nian hruaitute chuan Pales­tinian mipuite dikna chanvo humhalh sak a, independent state a dinna turin theihtawp an chhuah zel dawn a ni, a ti. 

Kum 2017 December thlaa US President Donald Trump-an Israel khawpuia Jerusalem a pawm thu a puan hnu leh, nikum May thlaa Tel Aviv aṭanga Jerusalem-a US embassy sawn a nih avangin US leh Palestinian Authority (PA) inkar boruak hi a ṭha lo chho hle a ni.