Myanmar leh international media institute-in MoU ziak

Myanmar sorkar leh international media institute pahnihte chuan media lama thawhdunna tur memorandum of understanding (MoU) an ziak tih Ministry of Information chuan nimin khan a sawi. Myanmar leh international media institute-in MoU an ziah hi kum 2020 March thla thleng awh tur a ni ang. 

MoU hi kar kal ta Inrinni khan Yangon khawpuiah ziah a ni. Inremna hi Myanmar sorkar hnuaia Information and Public Relations Department leh Copenhagen, Denmark-a International Media Support (IMS) leh Kalmar, Sweden-a Fojo Media Institute-ten an ziak. 

Inremna an siam hnuaiah hian media development conference buatsaih te, ethnic media conference buatsaih te leh four pillars - judiciary, executive, legislature leh media meeting buatsaih ṭhin tura ruahman a ni. International organization dangte nena multi-media training class buatsaiha, Ayeyawaddy bial leh Chin state hmarthlang lam thingtlang khuaa radio program siamna tur project siam rawt a ni bawk.