Pakistan-in ISI hotu thar tur a ruat
Pakistan sorkar chuan spy agency, Inter-Services Intelligence (ISI) hotu thar atan Lieutenant General Faiz Hameed chu Pathianni khan a ruat.
Lt Gen Faiz Hameed hian ISI director general hna thla riat chauh chelh hman, Lieutenant General Asim Munir a thlak ang. Munir hi Gujranwala Corps hotu atan dah a ni thung a, ISI hotu lu ber thlak a nih chhan hi sorkar chuan a sawilang lo.
Kumin April 12 khan Pakistan Army chuan major general Hameed hi lieutenant general-ah a hlangkai a, thla tawp lamah General Headquarter (GHO)-ah adjutant general-ah dah a ni. Hemi hma hian ISI-ah vek hian counter-intelligence wing hotuah a lo awm tawh bawk.