Houthi-te'n Saudi Arabia oil industry an bei hlawhchham

Yemen-a Houthi helte chuan Pathianni khan drone leh missile hmangin Saudi Arabia oil industry an bei a, mahse an hlawhtling lo nia tarlan a ni thung.

Saudi energy ministry chuan thuchhuah an siamah thi leh hliam emaw, bungraw tihchhiat emaw pawh a awm lo tih tarlangin an oil industry beihna tur drone leh missile-te chu an lo dang chat hman tih an tarlang a, Ras Tanura-a oil dah ṭhatna hmunpui, khawvela  offshore oil loading facility chu an bitum niin an tarlang bawk.

Missile leh drone keh themte chu Dhahran-a tualchhung mite chenna bulah a tla a ni. Houthi chuan he inbeihna hi an tih a nih thu sawi mah se Saudi Arabia lam chuan inbeihna chu Yemen aṭanga lokal a ni lo an ti thung.

Energy ministry thupuangtu chuan beihna an tawh chu Saudi Arabia ram bitumna mai a ni lo a, khawvela energy venhimna leh tluang taka kalpui a nihna beihna a ni, tia sawiin chumi avang chuan khawvel economy beihna a ni, a ti.

Houthi sipai thupuangtu Yahya Sarea chuan Pathianni khan Saudi Arabia ram laili takah drone 14 leh ballistic missile pariat an kap tih a sawi a ni.