Equatorial Guinea-a bomb puakah mi 20 thi

Equatorial Guinean-a khawpui lian ber Bata-ah Pathianni khan bomb a puak a, nimina report an tihchhuahah chuan mi 20 an thih bakah midang 600 an hliam niin an ram thuneitute chuan an tarlang.

Pathianni chawhnu khan Bata-a Nkoatama military camp-a puak thei thil dahkhawmna warehouse chu a kang a, chumi avang chuan puak thei thil an dahkhawmna hmun chu a puak ta chiam mai niin Equatorial Guinea president aiawha thuchhuah siamah chuan tarlan a ni.

Equatorial Guinea defence ministry chuan thi leh hliam tam tak an awm bakah, building pawh eng emaw zat a chhia tih tarlang ve bawkin chhawmdawl hna an thawk nghal a, ruang zawn hna an la thawh chhunzawm zel bawk.