China President-in NKorea a tlawh dawn

China President leh Communist Party of China (CPC) Central Committee ge­neral secretary Xi Jin­ping chuan June 20-21 hian North Korea a tlawh dawn. 

CPC Central Commi­ttee-a International Depart­ment thupuangtu, Hu Zhao­ming-a chuan North Korea ram hotu Kim Jong-un-a'n zin tura a sawm angin Xi hi a zin dawn tih a sawi. Hei hi kum 14 chhung China ram hotu lu berin NKorea a tlawhna hmasa ber tur a ni a, kum 2012-a 18th CPC National Congress neih hnua Xi-a'n NKorea a tlawhna hmasa ber tur a ni bawk. 

China President-in NKorea a tlawh tur hi ram pahnihten palai an intirh­tawn champha vawi 70-na nen a innang dawn bawk a, inzawmna ṭha leh zau zawk siam dan turte pawh an ngaihtuah nghal dawn a ni. Hruaitu pahnihte hian kum 70 chhunga ram pahnih­te inkungkaihnain hma a sawn dante an sawidun dawn a, Korean Peninsula chung­chang pawh an sawi ang.