Middle East-ah US sipai 1,000 tirh belh dawn

US sorkar chuan Iran sorkar nena an inkar boruak a ṭhat loh chhoh mek karah Middle East-ah sipai 1,000 a tirh belh dawn tih Pentagon chuan a puang. 

Acting Defence Secretary Patrick Shanahan chuan thuchhuah siamin, US Central Command ngenna leh Joint Chiefs of Staff chairman thurawn angin, Middle East-a air, naval leh ground base-a venhimna tihkhauhna turin sipai 1,000 tirh belhna tur thupek hi a tichhuak tih a sawi. 

Sipai tirh belh an nih tur thu puan a nih hma lawk hian Pentagon chuan June 13-a Gulf of Oman-a tanker pahnih beihna atana bomb dah ruk Iran lawngin a paih lai thlalak nia sawi chu a tichhuak. US chuan tanker beituah Iran hi a puh a, mahse Iran chuan a pha thung. 

US official pakhat chuan sipai tirh belh bakah sipaite venhimna tur hian intelligence, surveillance leh reconnaissance aircraft leh  missile defence pawh dah a ni dawn tih a sawi.