Bahrain workshop-ah Israel official-te sawm ve lo

Kar leh Thawhlehnia Palestinian economic dinhmun siamṭhat dan ngaihtuaha Bahrain-a workshop neih turah Israel sorkar official-te sawm an ni ve lo. 

US sorkar huaihawta Bahrain-a wokshop neih turah hian Palestinian sumdawng aiawhte an tel dawn a ni. Maheds Palestinian Authority chuan White House senior adviser Jared Kushner kaihhruaia Israel-Palestinian inkara inremna kawng zawnga hma lakna chu a boycott avangin workshop-ah hian tel an tum lo. 

Workshop neih turah hian Israel aiawhin Finance Minister Moshe Kahlon a kal dawn nia sawi lo ni tawh mah se, sorkar official lam tel loin sumdawng aiawhte an tel leh zawk dawn nia sawi a ni. He meeting neih tur hi "Peace tor Pros­perity" economic work­shop tia vuah a ni a, Israel-Palestinian peace agreement zau zawk siam hmanga Palestinian economy lam siamṭhat dan tur ngaihtuah tum a ni. 

Palestian Authority chuan meeting neih tur hi a boycott a, Arab ram dangte pawh tel lo turin a ngen bawk. US ambassador David Friedman chuan Pales­tinian official-te chuan sumdawngte pawh tel lo turin an nawr nasa hle tih a sawi.