Iran Revolution Guard-in US drone a kah thlak sak

Iran Revolutionary Guard chuan an ram china thlawk lut, US spy drone chu an kah thlak sak tih an sawi. US official chuan news agency-te hnenah international airspace-ah American naval drone kah thlak a nih thu a sawi a ni. 

Revolutionary Guard chuan US siam Global Hawk surveillance drone chu Kuh Mobarak district bulah Iran ram chinah a thlawk lut tih a sawi. Mahse a thlalak erawh an tarlang tel lo. Iran security official chuan dan kalha an ram chhunga chete chu na taka an chhanlet zel tur thu a sawi.

Hetihlai hian US Central Command thupuangtu, Navy Captain Bill Urban chuan Iran ram chinah American drone thlawk lut a awm lo tih a sawi thung. Nikuma US President Donald Trump-a'n world power ram paruk leh Iran-in nuclear deal an siam aṭangin US a inhnuhdawh thu a puang a, hei hian Iran nen an inkar boruak pawh a tihchhiat phah hle. Nuclear deal aṭanga a inhnuh­dawh hnuah US chuan Iran ram a hrek zui leh nghal bawk. 

Tun hnaiah US chuan Middle East-ah sipai a tirh belh a, hemirual hian US President Trump chuan Iran nena indo chu an tum a ni lo tih a sawi.