China President-in NKorea a thleng

China President Xi Jingping chuan nimin khan North Korea a thleng. 

Xi Jinping hian Communist Party of China (CPC) leh China president a nih anga North Korea ram a tlawhna hmasa ber a ni a, kum 14 hnua China president-in a tlawhna hmasa ber a ni bawk. NKorea pana a chhuah hma hian Xi chuan NKorea ram hotu Kim Jong Un thawhpui tura a inpeih thu a sawi.

Xi hi NKorea-ah hian ni hnih a cham dawn a, Kim bakah NKorea hruaitu pawimawh dangte pawh a kawm ang. Xi chuan NKorea a tlawh hian ram pahnihte inkarah inkungkaihna leh inpawhna ṭha leh chak zawk a siam ngei a beisei thu a sawi.

China hi sumdawnna lama NKorea thawhpui ram lian ber a ni a, NKorea ram tan pawh a pawimawh hle a ni. Xi leh Kim hian kumin February thlaa Kim leh US President Donald Trump ten summit an neih hnua meeting an neih lehna hmasa ber tur a ni.