Trump-a'n Iran beihna tur thupek a sut

Iran Revolutionary Guard-ten US drone an kahthlak sak hnuah, US President Donald Trump chuan America sipaiten Iran an beihna tur thupek a siam hman a, mahse a hnuah hei hi a sut leh nia sawi a ni. 

New York Times chuan President Trump hian Iran ram chhunga hmun ṭhenkhat beihna tur hi a pawmpui hman tih a sawi a, nimin khawvar hma deuha beih tura tih a ni a, Iran sipai leh civil miten an tawrh tlem theihna tur anga ruahmanna siam a nih thu a sawi bawk. Thlawhtheihnate inrin tir vek an ni hman a, mahse thupek sut leh a nih tak avangin missile pawh kahchhuah a ni ta lo tih a tarlang. 

President Trump chuan Iran-in US military drone a lo kahthlak sak chu a tisual hle tih a sawi. Hetihlai hian Iran chuan US drone hi an ram chinah a thlawh luh avanga kap an ni tih a lo sawi tawh thung.