Russia-in an ramah Georgian airlines flight titawp dawn

Russia Transport Ministry chuan July 8 aṭangin an ramah Georgian airlines thlawhtheihna te tihtawp an ni dawn tih a sawi. 

Ministry thuchhuah chuan Georgian aviation thuneitute hnenah pawh flight tihtawp a nih tur thu hi Russian aviation lamin a hriattir tawh tih a tarlang bawk. Flight tihtawp a nihna chhan chu aviation security ṭha zawk siam an duh vang a nih thu leh, air navigation lamah Georgia-in leiba a ngah tawh vang a ni tih a sawi a ni. 

Georgian Airways leh MyWay Airlines-ten aviation safety programme ṭha zawk an siam a, Russia-in a pawmpui hma chuan flight-te hi tihtawp a ni rih ang. Russia aviation thuneitute chuan Georgia lam nena inbiakna neih an inhuam thu pawh an sawi.