Ethiopia sipai hotu kap hliam

Ethiopia hmarlam state, Amhara-ah army general Asamnew Tsige kaihhruaia sorkar paihthlak tuma beihnaah Ethiopia Chief of Staff General Seare Mekonnen chu kah hliam a ni a, official pahnih kahhlum an ni bawk. 

Inrinni zana state television-a thu a sawinaah, Prime Minister Ahmed Abiy chuan Amhara khawpui, Bahir Dar-ah sorkar paihthlak tuma beituten General Mekonnen an kah thu hi a sawi. He thil thleng vang hian sorkar official-te chuan meeting an nei tih a sawi.

Abiy chuan General Seare Mekonnen hian official-te beih tumtu, sipaite a lo dan vangin kah fuh a ni tih a sawi. Nikuma thuneihna a chan tirh aṭang khan PM Abiy hian an rama politics vanga buaina chhuak fo ṭhinte siam-

ṭhat tumin a bei nasa hle a, politics vanga tang mi eng emaw zat a chhuah zalen a, political party ṭhenkhat chu khapin, human rights palzuta puh official-te pawh thubuai a siamsak bawk. Hetichung hian tharum thawhna hi a la chhuak fo a ni.