Myanmar-in UK-a palai ko kir

Myanmar sipai sorkar chuan UK-a an ram palai, Kyaw Zwar Minn chuan sipai chakna hmanga sorkar paihthlak a nih dan a sawisel a, Aung San Suu Kyi chhuah a phut thu a sawi avangin an rama kir tura hriattirna a tichhuak nghal. 

Sipai colonel hlui, Kyaw Zwar Minn hian Thawhṭanni khan thuchhuah siamin, sipaiten an hren mek Suu Kyi leh president Win Myint chu chhuah tura a phut thu a sawi a ni. 

Myint chuan, "Myanmar mipuite an thih belh zel ka duh lo a ni. Kan ram dinhmun a ṭha lo a, tualchhung indona thleng thei maiah a awm mek. Boruak muanawm a awm ka duh a, nawrh huaihawt leh sipaite chu buaina titawp turin ka ngen a ni," a ti. A thusawi  avang hian an ram a phatsan tihna a ni lo tih sawiin, a laiah a ding reng tih a sawi nghal bawk. 

Kar liam ta khan US-a Myanmar embassy pawhin nawrh huaihawtnaa tel thi te avangin Myanmar sipaite chu a dem thu a lo chhuah tawh bawk a, Myanmar thuneitute chu inbengdai turin a ngen.