Brazil-ah ruah sur nasa vangin mi 17 thi

Brazil ram chhim chhak lamah Pathianni aṭang khan ruah nasa takin a sur a, ruahsurin chhiatna a thlenah mi 17 an thi. 

Ruahsur vanga chhiatna thlenna hmun hi Sao Paulo leh Rio de Janeiro state niin, mi 17 an thih bakah chin hriat lohin mi 46 an awm mek. Brazil ram,a bikin chhim chhak lam bialah hian kuminah ruah a sur nasa hle. Rio de Janeiro thuneitute chuan kar liam ta kartawpah khan March thla chanve chhunga ruahtui tla tura an rin lawk aia tam a sur tawh tih an sawi. 

January thla tawp lam khan ruahsur nasa vang hian Minas Gerais state-ah mi 50 in nunna an chan a, mi 25,000 chu hmun him lamah sawnchhuah an ngai a ni.